Bala pengajar enda patut dikutuk
Nadai dipadah agih ditaga kena nyungkak pengelandik jaku Inglis
MIRI: Enda setuju, pia ku Gerempung Pengajar Sarawak (STU) lebuh ditanya pasal penyata Sapit Menteri Pelajar Datuk Razali Ismail.
Sapit menteri nya madah mayuh endar pengajar ke salah kena agih belanja ke ditagaka dikena sida nyungkak pengelandik dalam jaku Inglis.
“Enda patut bala pengajar dikutuk. Maya program (ngajar Matematik enggau Sains dalam jaku Inglis) dipungkal suba, Opis Menteri Pelajar nadai nyemetak madah agih belanja dikena nyungkak pengelandik bejaku Inglis,” ku presiden STU William Ghani Bina.
Iya dipinta komen pasal penyata Razali ke bisi diripot surat berita madah mayuh pengajar Sains enggau Matematik salah kena pan belanja baruh ‘Program Bursary For Important Subjects’ (BISP) kena sida nyungkak pengelandik dalam jaku Inglis.
Razali diripot madah agih baru program nya ungkup ke kena bala pengajar meli bup tauka ngambi tuisyen jaku Inglis.
“Tang taja pia pan nya dikena sida ungkup guna bukai. Nya alai sida iya nadai insur pengelandik ba jaku Inglis nya,” ku Razali munyi ke diripot.
Ghani ke bejaku ngarika STU madah, serakup nya enda setuju amat enggau penyata sapit menteri nya.
“Lebuh bekau Perdana Menteri Tun Dr Mahathir Mohammed ngerah pasal program ngajar Matematik enggau Sains dalam Inglis, menua kitai enda chukup sedia. Ba penemu aku siku, enti siku pengajar nya udah belajar (jaku Inglis) enam taun ba sekula primari, lima taun ba sekula sekonderi enggau dua taun lebuh belatih nyadi pengajar lalu agi mengkang enda landik dalam jaku Inglis, bakani ku sida ulih ngenyit landik dalam jaku nya udah belajar tauka belatih dua minggu ngambi tauka ngena jaku nya. Perintah patut berunding dulu chukup ke enda pengajar jaku Inglis kena ngelatih bala pengajar tu ngajar mata pelajar Sains enggau Matematik dalam jaku Inglis,” ku Ghani nambah.
Iya sekali ari ngulang ke minta bala orang politik nejuka bala professional dalam pampang pelajar sekula ngereja pengawa sida. Nadai kebuah sida tu dikachau.
“Ngelakka bala pengajar ngereja pengawa sida nitihka patut - ngajar mata pelajar tauka sabjek di sekula ke patut diajar sida nitihka latih. Opis menteri patut ngereja pengawa ngena perambu ke menyana (sebedau ngereja utai). Tang dalam kes tu, mayuh pengajar ke landik jaku Inglis nadai diberi awak ngajar matapelajar nya,” ku Ghani madah.
Nadai dipadah agih ditaga kena nyungkak pengelandik jaku Inglis
MIRI: Enda setuju, pia ku Gerempung Pengajar Sarawak (STU) lebuh ditanya pasal penyata Sapit Menteri Pelajar Datuk Razali Ismail.
Sapit menteri nya madah mayuh endar pengajar ke salah kena agih belanja ke ditagaka dikena sida nyungkak pengelandik dalam jaku Inglis.
“Enda patut bala pengajar dikutuk. Maya program (ngajar Matematik enggau Sains dalam jaku Inglis) dipungkal suba, Opis Menteri Pelajar nadai nyemetak madah agih belanja dikena nyungkak pengelandik bejaku Inglis,” ku presiden STU William Ghani Bina.
Iya dipinta komen pasal penyata Razali ke bisi diripot surat berita madah mayuh pengajar Sains enggau Matematik salah kena pan belanja baruh ‘Program Bursary For Important Subjects’ (BISP) kena sida nyungkak pengelandik dalam jaku Inglis.
Razali diripot madah agih baru program nya ungkup ke kena bala pengajar meli bup tauka ngambi tuisyen jaku Inglis.
“Tang taja pia pan nya dikena sida ungkup guna bukai. Nya alai sida iya nadai insur pengelandik ba jaku Inglis nya,” ku Razali munyi ke diripot.
Ghani ke bejaku ngarika STU madah, serakup nya enda setuju amat enggau penyata sapit menteri nya.
“Lebuh bekau Perdana Menteri Tun Dr Mahathir Mohammed ngerah pasal program ngajar Matematik enggau Sains dalam Inglis, menua kitai enda chukup sedia. Ba penemu aku siku, enti siku pengajar nya udah belajar (jaku Inglis) enam taun ba sekula primari, lima taun ba sekula sekonderi enggau dua taun lebuh belatih nyadi pengajar lalu agi mengkang enda landik dalam jaku Inglis, bakani ku sida ulih ngenyit landik dalam jaku nya udah belajar tauka belatih dua minggu ngambi tauka ngena jaku nya. Perintah patut berunding dulu chukup ke enda pengajar jaku Inglis kena ngelatih bala pengajar tu ngajar mata pelajar Sains enggau Matematik dalam jaku Inglis,” ku Ghani nambah.
Iya sekali ari ngulang ke minta bala orang politik nejuka bala professional dalam pampang pelajar sekula ngereja pengawa sida. Nadai kebuah sida tu dikachau.
“Ngelakka bala pengajar ngereja pengawa sida nitihka patut - ngajar mata pelajar tauka sabjek di sekula ke patut diajar sida nitihka latih. Opis menteri patut ngereja pengawa ngena perambu ke menyana (sebedau ngereja utai). Tang dalam kes tu, mayuh pengajar ke landik jaku Inglis nadai diberi awak ngajar matapelajar nya,” ku Ghani madah.
No comments:
Post a Comment